İki hücumçunun sözləşməsi uzadıldı

“Lada” hücumçular Tomaş Yurço və Tayler Qraovaçla müqavilələr imzalayıb.

Allsport.az xəbər verir ki, slovakiyalı və kanadalı xokkeyçilərlə cari mövsümün sonuna qədər sözləşmə razılaşdırılıb.

Yurço pley-off da daxil olmaqla 142 KXL oyununda iştirak edib və 88 xal (35 qol, 53 məhsuldar ötürmə) toplayıb. O, əvvəllər liqada “Baris”, “Avanqard” və “Kunlun” komandalarında oynayıb.

Qraovaç KXL-də “Dinamo Minsk”, “Vityaz”, “Admiral” və “Kunlun” komandalarında oynayıb. Hücumçu pley-off da daxil olmaqla 217 oyunda iştirak edib, 45 qol vurub və 57 məhsuldar ötürmə edib.