“İkinci hissədə bütün komanda ilə müdafiə olunan bir rəqibə qarşı oynadıq”

19 yaşadək futbolçulardan ibarət Finlandiya və Azərbaycan yığmaları arasında bu gün keçirilmiş yoxlama oyunundan sonra yığmamızın baş məşqçisi Nikolay Adam açıqlama verib. Allsport.az xəbər verir ki, almaniyalı mütəxəssis 2:2 hesabıyla başa çatan görüşlə bağlı bunları söyləyib:
“Ümumilikdə, oyundan narazı qalmadım. İkinci hissədə bütün komanda ilə müdafiə olunan bir rəqibə qarşı oynadıq. Daha səbirlə oynamaq lazım idi. Sonuncu dəqiqədə yol verdiyimiz səhvdən sonra qol buraxdıq. Oyunumuzu təhlil edib növbəti qarşılaşmaya hazırlaşacağıq. Çalışacağıq ki, qələbə qazanaq”.