İlham Əliyev olimpiya medalçılarını və onların məşqçilərini mükafatlandırdı

Prezident İlham Əliyev, “Fransanın Paris şəhərində keçirilən XXXIII yay olimpiya oyunlarında Azərbaycan respublikasının idmançıları və onların məşqçiləri üçün yüksək nəticələrə görə mükafatların müəyyən edilməsi haqqında” sərəncam imzalayıb.

Allsport.az saytı xəbər verir ki, 1-ci yeri tutan hər bir idmançıya 400 000 manat, onun məşqçisinə 200 000 manat, 2-ci yeri tutan hər bir idmançıya 200 000 manat, onun məşqçisinə 100 000 manat, 3-cü yeri tutan hər bir idmançıya 100 000 manat, onun məşqçisinə isə 50 000 manat mükafat müəyyən edilib.

Nazirlər kabinetinə bu sərəncamdan irəli gələn məsələləri həll etmək tapşırılıb.