İlk milyarder futbolçu

“Əl-Nəsr”in hücumçusu Kriştianu Ronaldu milyarder olan ilk futbolçu olub.

Allsport.az “Bloomberg” istinadən xəbər verir ki, portuqaliyalının sərvəti 1,4 milyard dollardır. Agentlik 40 yaşlı ulduzun hazırkı müqaviləsini 400 milyon dollar dəyərində qiymətləndirir.

Bu mövsüm Ronaldu bütün yarışlarda 6 oyuna çıxıb, beş qol vurub və bir məhsuldar ötürmə edib. Onun “Əl-Nəsr”la müqaviləsi 2027-ci ilin iyunun sonuna kimidir.