İsa dünya çempionatında 4-cü olub

6-15 dekabrda Bəhreynin paytaxtı Manamada ağırlıqqaldırma üzrə dünya çempionatı davam edir. Allsport.az xəbər verir ki, yarışda iştirak edən Azərbaycan yığma komandasının idmançısı İsa Rüstəmov (73 kq) bugün körpücük üzərinə çıxıb.

“B” qrupunda yarışan atletimiz birdən qaldırma hərəkətində 150 kq nəticə göstərərək 4-cü olub. Təkanla qaldırma hərəkətində 178 kq ağırlığı başı üzərinə qaldıran Rüstəmov bu dəfə də 4-cü yerdə qərarlaşıb. Təmsilçimiz toplam çəkidə 328 kq (150+178) nəticəyə imza ataraq “B” qrupunda mübarizəni 4-cü yerdə başa vurub.

73 kq çəki dərəcəsində yekun sıralama “A” qrupunda yarışan idmançıların çıxışlarından sonra bəlli olacaq.