“İslam Həbib Nurməhəmmədovdan da sərtdir”

Tanınmış braziliyalı UFC döyüşçüsü Paulo Kosta rusiyalı İslam Mahaçevlə amerikalı Dastin Puarye arasında keçiriləcək titul döyüşü ilə bağlı proqnoz verib.

Allsport.az xəbər verir ki, Mahaçev və Puare bazar günü, iyunun 2-də Nyu-Cersidə (ABŞ) UFC 302-də yüngül çəkidə UFC dünya çempionu titulu uğrunda döyüşəcək.

“Bəlkə də İslam Həbib Nurməhəmmədovdan da sərtdir. Çünki o, ən yaxşı güləşə sahibdir. Eyni zamanda, zərbə vurmağı da yaxşı bacarır. Və yer üzündə onun sadəcə tayı-bərabəri yoxdur. Mahaçev inanılmaz dərəcədə yaxşıdır, o, Puaryeni məğlub edəcək”, – “MMA Junkie” Kostanın sözlərini sitat gətirir.