İslamiadanın qalibi İsrail voleybolçularını da məyus edib

Bakı idman sarayında qadın voleybolçuların DÇ-2018-in seçmə oyunları davam edir. Allsport.az saytı xəbər verir ki, millimiz yer aldığı “E” qrupunun 4-cü görüşündə israilli həmkarları ilə üz-üzə gəlib.

Matç Faiq Qarayevin komandasının qələbəsi ilə yekunlaşıb – 3:0 (25:9, 25:14, 25:18). Yığmamız ilk 3 oyunda bu hesabla Norveç və Danimarka kollektivlərini üstələyib.

Niderlandla birgə qrupda öndə gedən voleybolçularız sabah bu komandası ilə qarşılaşacaq. Bu mübarizədə qalib gələn tərəf final mərhələsinə birbaşa vəsiqə qazanacaq.