İstanbulda 3 qalib

İstanbulda keçirilən MMA üzrə “Core FC” turnirində Azərbaycan idmançıları uğurlu çıxış ediblər.

Allsport.az xəbər verir ki, Rəsul Rəhimov (66 kq) ilk raundun 8-ci saniyəsində rəqibini nokauta göndərərək inamlı qələbə qazanıb. Eyni çəkidə mübarizə aparan Mirmehdi Miriyev isə 2-ci raundda boğucu fəndlə rəqibini məğlub edib. Bundan əlavə, 61 kq çəki dərəcəsində döyüşən Sahil Şakirov ilk raundda nokautla qalib gəlib.