İtaliya klubunda təyinat

“Torino” baş məşqçi postunda dəyişiklik edib.

Allsport.az xəbər verir ki, Turin təmsilçisi Marko Baronini istefaya göndərərək, bu vəzifəyə Roberto Daversanı təyin edib.

“A” seriyasının 26-cı turunda “Cenoa”ya alınan ağır məğlubiyyət (0:3) rəhbərliyin səbrini daşırıb. Hazırda turnir cədvəlində 15-ci pillədə qərarlaşan “buğalar”ın yeni baş məşqçisi ilə müqaviləsi cari mövsümün sonuna qədər nəzərdə tutulub.

50 yaşlı mütəxəssis Roberto Daversa buna qədər “Parma”, “Leççe”, “Sampdoriya” və “Empoli” kimi klublarda çalışıb.