UEFA “Benfika”nın futbolçusunu irqçiliyə görə cəzalandırdı

UEFA “Benfika”nın yarımmüdafiəçisi Canluka Prestiannini irqçilik ittihamı ilə bağlı davam edən araşdırma çərçivəsində müvəqqəti cəzalandırıb.

Allsport.az xəbər verir ki, argentinalı futbolçu çempionlar liqasının pley-off mərhələsində “Real Madrid”in vingeri Vinisius Juniora qarşı ayrı-seçkilik xarakterli davranışda şübhəli bilinir.

Qərara əsasən, Prestianni UEFA-nın növbəti klub oyununu buraxmalı olacaq. Qurum bu addımın intizam reqlamentinin 14-cü maddəsinin pozulması ilə əlaqədar atıldığını və araşdırmanın yekun nəticəsindən asılı olaraq daha ağır cəzanın verilə biləcəyini bəyan edib.