İtaliyanı Avropa Oyunlarının basketbol yarışlarında kimlər təmsil edəcək?

İtaliyanı “Bakı-2015” ilk Avropa Oyunlarında basketbol üzrə 3×3 yarışlarında təmsil edəcək idmançıların adı məlum olub. İtaliya Basketbol Federasiyasının məlumatına görə, Azərbaycanda keçiriləcək ilk Avropa Oyunlarında bu ölkəni basketbol üzrə 3×3 yarışlarında İannilli Andrea, Neqri Klaudio, Verri Damiano və Zampolli Cionata təmsil edəcək.

Allsport.az xəbər verir ki, “Bakı-2015” Avropa Oyunlarında basketbol üzrə 3×3 kişilər arasında yarışlarda İtaliya ilə yanaşı, Azərbaycan, Rumıniya, Sloveniya, Litva, Yunanıstan, Serbiya, Belçika, İspaniya, Estoniya, İsrail, Rusiya, Türkiyə, Çexiya, İsveçrə və Andorra milliləri mübarizə aparacaqlar.