“Kəpəz” yoxlama matçında “Bakı”ya rəhm etməyib

Avropa Liqasının 1-ci təsnifat mərhələsi çərçivəsində qarşılaşacağı Moldova “Daçiya”sı ilə oyunun hazırlığını Bakıda davam etdirən “Kəpəz” yoxlama oyunu keçirib. Allsport.az xəbər verir ki, “sarı-göylər”in rəqibi aşağı divizion təmsilçisi “Bakı” olub.

Oyun Gəncə klubunun böyükhesablı qələbəsi ilə nəticələnib – 6:0. “Kəpəz”dən Şəhriyar Əliyev, Julien Ebah və Şəhriyar Rəhimovun hərəyə bir dəfə fərqləndiyi matçda Tural Qürbətov het-trik edib. “Kəpəz” istirahət etmədən bu gün məşqlərə davam edəcək.