Kamavinqa Bakıya gəlməyəcək

“Real Madrid”in yarımmüdafiəçisi Eduardo Kamavinqa Fransa yığma komandasının düşərgəsini tərk edib..

Allsport.az xəbər verir ki, Kamavinqanın Madriddəki klubuna qayıtmasına səbəb onun budunun arxa səthindəki əzələdə yaranan zədə olub.

Fransa millisi noyabrın 13-də Ukraynanı 4:0 hesabı ilə məğlub edərək qrupda birinci yeri təmin edib və bu nəticə ilə DÇ-2026-ya vəsiqə qazanıb.

Kamavinqanın yoxluğunda Didye Deşamın komandası növbəti matçını noyabrın 16-da Azərbaycan yığmasına qarşı keçirəcək.