Keçmiş “Qarabağ”lı Portuqaliya klubuna keçdi

“Qarabağ”ın keçmiş qapıçısı Vaqner da Silvanın yeni klubu müəyyənləşib. Allsport.az xəbər verir ki, 35 yaşlı qolkiper Portuqaliyanın 2-ci liqa təmsilçisi “Nasyonal”a keçib.

Braziliyalı əlcək sahibi ilə 1 illik müqavilə imzalanıb. Vaqner 2018-2020-ci illərdə “Qarabağ”da oynayıb. O, daha əvvəl Portuqaliyada “Eştoril” və “Boavişta”da da çıxış edib.