“Kişinyov-Zirvə” atletləri Qazaxıstanda çıxış edirlər

Qazaxıstanın Almatı şəhərində keçiriləcən ağır atletika üzrə dünya çempionatında “Zirve İnternational Sport Clubs”un Moldova və Bolqarıstan filiallarının nümayəndələri də çıxış edirlər.

Allsport.az saytı zirve-ik.com-a istinadən xəbər verir ki, kişilərin mübarizəsində “Kişinyov-Zirvə” klubunun ağırlıqqaldıranı Sergey Çeşir (69 kq) birdən qaldırmada 142 kq-ın öhdəsindən gələrək iddiasını ortaya qoysa da, təkanla qaldırmada “sıfır” nəticə göstərərək medal qazanmaq şansını qaçırıb.

Oleq Sırgi 56 kq çəki dərəcəsində mübarizə aparıb. O, birdən qaldırmada 112 kq, təkanla qaldırmada 140 kq-la, toplamda 252 kq nəticə göstərib. Bu nəticə ilə o, dünya çempionatında 14-cü yeri tutub.