“Kişinyov-Zirvə”çilər Avropa çempionatının son günündə fərqlənə bilmədilər

Tiflisdə ağırlıqqaldıranlar arasında Avropa çempionatı başa çatıb. Allsport.az saytı zirve-ik.com-a istinadən xəbər verir ki, son yarış günündə “Zirvə” Beynəlxalq İdman Klubunun daha 2 üzvü çıxış edib.

Kişilərin yarışında 77 kq çəkidə “Kişinyov-Zirvə” atleti Dumitru Kaptari mübarizə aparıb. O, 332 kq (152+180) nəticə ilə 8-ci pilləni tutub.

Qadınlarda 75 kq-da həmin klubdan Natalya Prişepa körpücük üzərinə çıxıb. O, 232 kq (107+125) nəticə ilə 7-ci yerə çıxıb.