Kurtua 300-ə çatıb

“Real Madrid”ın qapıçısı Tibo Kurtua “Yuventus”a qarşı oyunda əlamətdar yubileyə imza atıb.

Allsport.az xəbər verir ki, Turin təmsilçisi üzərində 1:0 hesablı qələbə qazanılan görüş belçikalı qolkiperin Madrid təmsilçisinin formasında çıxdığı 300-cü matç olub.

Bu 300 oyunda Kurtua 119 qarşılaşmada qapısını toxunulmaz saxlayıb (39,7%). Bu göstərici ilə o, klub tarixində dördüncü yerdədir.

“Kral klubu”nun tarixində yalnız İker Kasilyas (725 oyunda 264 quru oyun, 36,4%), Fransisko Buyo (456 oyunda 182 quru oyun, 39,9%) və Migel Anqel (346 oyunda 133 quru oyun, 38,4%) daha çox “quru” matç keçirib.