“Məğlubiyyətdən dərs çıxarmalıyıq”

“İlk hissədə “Qarabağ” hər şeyi həll etdi. Taktiki-texniki cəhətdən geridəydik. Erkən qollar planlarımızı pozdu. Rəqib qələbəyə layiq idi”.

Allsport.az xəbər verir ki, bunu “Şkendiya”nın baş məşqçisi Jeton Beqiri Bakıda “Qarabağ”a 1:5 hesabı ilə məğlub olduqları çempionlar liqasının III təsnifat mərhələsinin cavab oyunundan sonra mətbuat konfransında deyib.

O, hesaba görə çox danışmaq istəmədiyini bildirib: “Açığı, bu hesabı gözləmirdim. Məğlubiyyətdən dərs çıxarmalıyıq. Hər avrokubok bir təcrübədir”.

Beqiri sabahdan hazırlığa başlayacaqlarını söyləyib: “Bu görüşü təhlil edib Avropa liqasının pley-off mərhələsinə hazırlaşacağıq. Həftə sonu ölkə çempionatı da başlayacaq. İlk hədəfə çatmışıq: konfrans liqasının əsas raunduna vəsiqəni təmin etmişik”.