“Məqsədimiz komandanı psixoloji cəhətdən hazırlamaq idi”

Azərbaycan yığmasının köməkçi-məşqçisi Rəşad Eyyubov Ukrayna ilə oyundan öncə keçirilən mətbuat konfransında iştirak edib.

Allsport.az xəbər verir ki, o, görüş barədə bunu deyib: “Plana uyğun məşqimizi keçdik. Məqsədimiz qısa müddət ərzində komandanı psixoloji cəhətdən hazırlamaq idi. Futbol kollektiv oyundur. Komanda şəklində çıxış etməliyik. İnanıram ki, uğurlu nəticə əldə etmək üçün komanda olaraq gücümüz və keyfiyyətimiz var”.