“Məqsədimiz Tiflisdən vətənə medalla qayıtmaqdır”

Xəbər verdiyimiz kimi, aprelin 11-də Tiflisdə idmanın ağırlıqqaldırma növü üzrə Avropa çempionatı keçiriləcək. Allsport.az xəbər verir ki, ağırlıqqaldırma üzrə dəfələrlə Azərbaycan çempionu olmuş Elmar Alıyev idmançılarımızın çempionata hazırlığı ilə bağlı fikirlərini “Azərtac”ın müxbiri ilə bölüşüb.

O deyib: “Biz bu çempionata ciddi hazırlaşmışıq. Məşqçilərimiz və idmançılarımız Tiflisə çox yüksək əhval-ruhiyyə ilə gəliblər. Məqsədimiz vətənə medallarla qayıtmaqdır. İnanıram ki, məqsədimizə çatacağıq və Azərbaycanın idman şərəfini yüksək səviyyədə qoruyacağıq”.

Qeyd edək ki, Elmar Alıyev bu çempionatda 56 kiloqram çəki dərəcəsində çıxış edən idmançılar arasında qüvvə və bacarığını nümayiş etdirəcək.