Məşhur klub peşəkar statusunu itirdi

Çin çempionatının 8-qat qalibi “Quançjou” klubu peşəkar statusunu itirib.

Allsport.az xəbər verir ki, buna səbəb komandanın borclarını ödəyə bilməməsi olub.

“Quançjou” futbol klubu 1954-cü ildə yaradılıb. “Pələnglər” 2013 və 2015-ci illərdə Asiya çempionlar liqasının qalibi olublar. Onlar qitə turnirin qalibi olan yeganə Çin komandasıdır.

Müxtəlif vaxtlarda bu klubu Marçello Lippi, Fabio Kannavaro və Luis Felipe Skolari kimi məşqçilər çalışdırıb.