Macarıstan – Azərbaycan matçı boş trubunalar önündə?

AÇ-2020-nin seçməsində Macarıstan – Azərbaycan görüşü azarkeşsiz keçirilə bilər. Allsport.az saytı xəbər verir ki, buna səbəb sentyabrın 9-da hunların Slovakiya ilə ev oyununda (1:2) qonaq tərəfdarların milliyətçi şüarlar səsləndirməsi, hər 2 komandanın azarkeşləri arasında qalmaqalın yaranmasıdır.

Bu üzdən, UEFA-nın hər 2 tərəfə cəza tətbiq edəcək. Belədə, Macarıstan – Azərbaycan və Slovakiya – Uels matçları boş tribunalarda keçiriləcək. UEFA bununla yanaşı, həm 2 futbol federasiyasına 20 min avro pul cəzası da verə bilər.

Qeyd edək ki, Slovakiya – Uels matçı oktyabrın 10-da, Macarıstan – Azərbaycan qarşılaşması isə oktyabrın 13-də olacaq.