“Madridə qalib gəlmək üçün gedəcəyik”

“Bavariya”nın müdafiəçisi Erik Dayer çempionlar liqasının yarımfinal mərhələsinin ilk oyununda “Real”la heç-heçədən (2:2) sonra fikirlərini bölüşüb.

Allsport.az xəbər verir ki, bu barədə o, UEFA-ya açıqlama verib:

“Çox yaxşı matç oldu. Yəqin ki, bizdən də çox azarkeşlər üçün. Oyunun sonunda qol buraxmaq bizi məyus etdi, çünki 2:1 hesabı ilə nəzarət bizdə idi.

Növbəti matçı elə keçirəcəyik ki, sanki hesab 0:0 idi. Madridə getmək üçün səbirsizlənirik, hesab 2:2, 0:0 – eyni şey. Madridə qalib gəlmək üçün gedəcəyik”.