Maliyyə sıxıntısı yaşayan “Göteborq” çıxış yolunu qrup mərhələsində görür

İsveç çempionatının 19-cu turunda “Hammarbü”yə 0:2 uduzan “Göteborq” indi bütün diqqətini Avroliqanın pley-off mərhələsində “Qarabağ”la oyuna yönəldib.

Allsport.az saytına yerli mənbədən daxil olan xəbərə görə, maliyyə çatışmamazlığının dərinləşdiyi, iqtisadi sıxıntılardan qurtulmanın yeganə yolu qrupa düşməkdir. “Qarabağ” səddini keçə bilməyəcəkləri təqdirdə, “mələklər” 2000-2006-cı illərdəki böhranlı duruma düşə bilər.

Daxildən alınan məlumatda, “Göteborq” təmsilçisi bizimlə görüşdə sıx müdafiə oyunu quracaq. Məşqçilər bir qol vurmaqla, ağdamlıları daha çətin vəziyyətə salacaqlarına da ümid edirlər.