“Mançester Siti” və “Real Madrid” arasında mübarizə

“Mançester Siti” və “Real Madrid” “Liverpul”un yarımmüdafiəçisi Dominik Soboslaini transfer etməkdə maraqlıdırlar.

Allsport.az xəbər verir ki, hər iki klub 25 yaşlı macarıstanlı futbolçu ilə bağlı vəziyyəti diqqətlə izləyir. “Liverpul” oyunçuya şərtləri yaxşılaşdırılan müqavilə uzadılması təklif etmək niyyətindədir. Hazırda həftədə 135.000 avro olan maaş artımı da nəzərdən keçirilir.

2025/26 mövsümündə Soboslai 16 matçda iki qol vurub və beş məhsuldar ötürmə edib. Onun müqaviləsi 30 iyun 2028-ci ilə qədərdir.