Maradonanı keçdi

“İnter”in hücumçusu Lautaro Martines Argentina millisinin bütün zamanların ən yaxşı beş qol vuran futbolçusu siyahısına daxil olub.

Allsport.az xəbər verir ki, 28 yaşlı oyunçu Puerto-Rikonu 6:0 hesabı ilə məğlub etdikləri yoldaşlıq görüşündə dubla imza ataraq millinin heyətindəki qollarının sayını 35-ə çatdırıb.

Bununla da Martines əfsanəvi Dieqo Maradonanı (34 qol) geridə qoyub. Lautaro indi yalnız Serxio Agüero (42), Qabriel Batistuta (54) və Lionel Messidən (114) geri qalır.