Messi “Barselona”ya qayıdır? – Açıqlama

“Barselona”nın prezidenti Joan Laporta hücumçu Lionel Messinin kluba qayıtması ehtimalını şərh edib.

Allsport.az xəbər verir ki, o, bunun mümkün olmadığını bildirib: “Messinin oyunçu kimi qayıtması sadəcə qeyri-realdır. Hazırda onun “İnter Mayami” ilə müqaviləsi var. Klub indiki və gələcək üçün bir layihə qurur. Keçmişdə yaşayırsansa, irəliləmək ehtimalın azdır”.

Oktyabrın 23-də “İnter Mayami” 38 yaşlı argentinalı ilə müqavilənin 2028-ci ilin dekabr ayına qədər uzadıldığını açıqlayıb.

Messi 2000-ci ildən 2021-ci ilə qədər “Barselona”da oynayıb. O, 778 matçda 672 qol vuraraq klubun bütün zamanların ən çox qol vuran oyunçusudur.