Metro 01:00-a qədər işləyəcək

“Qarabağ”, Avropa liqasının qrup mərhələsinin IV turunda Almaniyanın “Bayer” klubu ilə oyunun gec saatlarda başlaması ilə əlaqədar “Bakı metropoliteni”nin iş rejimində dəyişiklik edilməsi barədə müraciət ünvanlayıb.

Allsport.az saytı xəbər verir ki, bu qarşılaşmaya Azərbaycanda marağın böyük olması nəzərə alınaraq, Tofiq Bəhramov adına respublika stadionunda qarşılaşmanı canlı izləyənlər azarkeşlərin daşınması məqsədilə metropolitenin iş rejimində müvafiq dəyişiklik edilib. Noyabrın 9-dan 10-na keçən gecə saat 01:00-a qədər sərnişinlərin girişinə açıq olacaq.

“Qarabağ” – “Bayer” oyunu saat 21:45-də başlayacaq.