“Meydanda görmək istədiyim komanda yoxdur”

“Araz-Naxçıvan” ölkə kubokunun 1/8 final mərhələsində “Kəpəz”ə uduzub – 0:1.

Allsport.az xəbər verir ki, görüşdən sonra muxtar respublika təmsilçisinin baş məşqçisi Elmar Baxşıyev mətbuat konfransında iştirak edib:

“Oyuna komanda olaraq pis qoşulduq. Kubok və çempionat fərqli yarışdır. Burada gərək əlindən gələnin yüz faizini edəsən ki, məqsədinə çatasan. Açığı, son 5-6 oyunda komandamı tanıya bilmirəm. Meydanda görmək istədiyim komanda yoxdur. Təbii ki, problem özümüzdədir. Bu durumdan çıxmaq üçün daha artığını etməliyik. Hər bir məğlubiyyət təzyiq yaradır. Önəmli olan məğlubiyyət yox, komandanın meydanda göstərdiyi oyundur. Çox zəif çıxış etdik. Səbəbini araşdırmalı, daha yaxşı etmək məcburiyyətindəyik”.