Milli komandamız bu gün ilk matçına çıxır

Bu gün Xorvatiyanın Osiyek şəhərində dünya çempionatının seçmə mərhələsinin 2-ci qrupunun ilk turunun oyunları keçiriləcək. Allsport.az xəbər verir ki, sözügedən qrupda mübarizə aparan futzal üzrə Azərbaycan millisi də ilk oyununu keçirəcək.

Osiyek şəhərindəki “Dvorana Qradski VRT” idman kompleksində yığmamız İsveçlə qarşılaşacaq.

Qrupun digər oyununda isə Xorvatiya Belarusla münasibətlərinə aydınlıq gətirəcək.

DÇ-nin seçmə mərhələsi
2-ci qrup
10 dekabr

20:00. Azərbaycan – İsveç
Hakimlər: Qabor Kovaç (Macarıstan), Trayan Ençev (Bolqarıstan), Vladimir Kadıkov (Rusiya).

22:30. Xorvatiya – Belarus