Millidən ilk

Üzgüçülük üzrə Azərbaycan komandası İslam həmrəyliyi oyunlarında çıxışını başa vurdu.
Allsport.az xəbər verir ki, Səudiyyə Ərəbistanının paytaxtı Ər-Riyadda keçirilən sayca VI oyunlarda millimiz 3 medal qazanıb.

Milli komandamızın üzvləri aşağıdakı nəticələri göstəriblər:

Ramil Vəlizadə – 200 metr kəpənək üsulu – gümüş medal

Süleyman İsmayılzadə – 1500 metr sərbəst üsul – bürünc medal

Qadınların estafet komandası – 4×200 metr sərbəst üsul – bürünc medal

İslam həmrəyliyi oyunlarının tarixində ilk dəfədir ki, üzgüçülük üzrə milli komandamız bütün medalları Azərbaycan doğumlu idmançılar hesabına qazanır.