Millimiz Avropa Liqasının yarımfinalına qrup qalibi kimi yollanır

Qadın voleybolçular arasında Avropa Liqasının qrup mərhələsinin 2-ci dövrəsinin 2-ci oyunları keçirilib. Allsport.az saytı xəbər verir ki, “B” qrupunda yer alan Azərbaycan millisi qələbə seriyasını davam etdirməkdədir.

Fransanın Renn şəhərində baş tutan mübarizədə Faiq Qarayevin komandası Monteneqronun ardından, ispaniyalı həmkarlarını da üstələyiblər – 3:1 (25:14, 25:19, 14:25, 25:17). Bu nəticə ilə yığmamız yarımfinala qrup qalibi kimi yollanıb.

Bu qrupun digər matçında ev sahibələri qaradağlıları 3:2 hesabı ilə məyus ediblər. Qızlarımız son görüşü bu kollektivə qarşı keçirəcək.

Turnir cədvəli: Azərbaycan – 15 xal (15-2), Fransa – 6 (10-13), Çernoqoriya – 6 (8-11),  İspaniya – 3 (7-14) .