Millimizin üzvü 20 dəqiqə oynadı

Almaniya ikinci Bundesliqasında 21-ci turun oyunları keçirilib. Allsport.az xəbər verir ki, Azərbaycan yığmasının futbolçusu Toğrul Əratın komandası – “Fortuna” da növbəti matçına çıxıb.

Düsseldorf təmsilçisi doğma meydanda “Erzqebirge” ilə qarşılaşıb. Matç futbolçumuzun komandasının 2:3 hesablı məğlubiyyəti ilə başa çatıb. Ərat bu görüşün 70-ci dəqiqəsində meydana çıxsa da, komandası sadəcə, hesab arasındakı fərqi minimuma endirməyə nail ola bilib.

Qeyd edək ki, “Fortuna” hazırda 32 xalla turnir cədvəlinin altıncı pilləsində qərarlaşıb.