“Moskva ulduzları”nda 3 dəst medal

Rusiyanın paytaxtında uşu üzrə beynəlxalq turnirdə kadetlər arasında Azad Hümbətov (45 kq) qızıl, Hüseyn Məmmədov (42 kq) gümüş, Hümbət Mustafayev (48 kq) bürünc medal qazanıblar.

Allsport.az saytı xəbər verir ki, yeniyetmələrdə Xəyal İbrahimov (45 kq) və Süleyman Kazımlı (48 kq) bürünc medal, gənclərdə isə Yusif Azadi (52 kq) qızıl medala sahib olublar.

Qızlar arasında Mirrüqəyya Azərpur (52 kq) və Mirfatimə Azərpur (65 kq) gümüş medal əldə ediblər. Böyüklər arasında 6-qat Avropa çempionu Elçin Eminov (60 kq) bütün rəqiblərinə qalib gələrək turnirin qalibi olub.