Nəriman Abbasov çempion titulunu qorudu

“Qəbələ” idman klubunun MMA döyüşçüsü Nəriman Abbasov növbəti qələbəsini qazanıb. Allsport.az xəbər verir ki, idmançımız “AMC Fight Night100” çərçivəsində Rusiya təmsilçisi Şamil Əmirovla görüşüb.

Moskvada keçirilən döyüşə çempion titulunu qorumaq üçün çıxan Nəriman rəqibini məğlubiyyətə uğradıb. Əmirov üçüncü raundda idmançımızın zərbələri qarşısında duruş gətirə bilməyərək döyüşü davam etdirmək istəməyib. Beləliklə, Abbasov görüşü texniki nokautla başa vurub.

Bununla da Abbasov yüngül çəkidə (70,3 kq) çempion kəmərini qoruyub. Bu, onun ardıcıl 11-ci qələbəsi olub.

Nəriman ümumilikdə 29-cu döyüşündə 26-cı dəfə qalib gəlib.