“Nəticədən narazı qaldığımızı demək düzgün olmazdı”

Azərbaycan premyer liqasının XII turunun “Turan Tovuz” – “Qarabağ” oyunundan (0:0) sonra meydan sahibi komandanın baş məşqçisi Qurban Berdıyev mətbuat konfransında iştirak edib.

Allsport.az xəbər verir ki, Berdıyev komandasının oyunundan razı qalıb: 

“Azarkeşlərimiz üçün yaxşı, maraqlı oyun oldu. Ümumilikdə oyundan razı qaldıq. Səhvlərimiz də oldu. Rəqibin oyunçularının fərdi keyfiyyətlərini bilirik. Nəticədən narazı qaldığımızı demək düzgün olmazdı, ümumi oyundan da razı qaldım”.