“Nar” şirkəti Bakı-2017-nin rəsmi telekommunikasiya tərəfdaşı olub

“Nar” şirkəti 4-cü İslam həmrəyliyi oyunlarının rəsmi telekommunikasiya tərəfdaşı olub. Allsport.az saytı xəbər verir ki, aprelin 13-də bununla əlaqədar anlaşma imzalanıb. Rəsmi tərəfdaşlığa dair sazişi Bakı-2017 əməliyyat komitəsinin korporativ direktoru Elçin Səfərov və “Nar” şirkətinin baş icraçı direktoru Klaus Müller imzalayıblar.

Sazişə əsasən, “Nar” şirkəti oyunlar zamanı əməliyyat komitəsini mobil telekommunikasiya, o cümlədən zəng və data xidmətləri ilə təmin edəcək, informasiya əlaqə mərkəzi və oyunların texnologiya şöbəsinə dəstək sahəsində aparıcı provayder rolunu oynayacaq.