Nazir müvafiq tapşırıqlar verib

Aprelin 30-da gənclər və idman naziri Fərid Qayıbov, III MDB oyunlarına hazırlıq işləri çərçivəsində Göygöl olimpiya idman kompleksinə baxış keçirib.

Allsport.az saytı xəbər verir ki, o, burada aparılan təmir-bərpa işlərinin mövcud vəziyyəti ilə yerində tanış olub, görülən işlərin hazırkı vəziyyəti və keyfiyyəti barədə ətraflı məlumat alıb.

Nazir həmçinin Gəncə şəhər stadionunun inşası ilə də maraqlanıb. Tikinti sahəsinə baxış zamanı layihənin icra vəziyyəti, texniki göstəricilər və nəzərdə tutulan işlərin icra qrafiki müzakirə olunub.

Fərid Qayıbov görülən işlərin keyfiyyəti və vaxtında tamamlanmasının önəmini qeyd edərək, işlərin vaxtında və yüksək keyfiyyətlə başa çatdırılması üçün müvafiq tapşırıqlar verib.