“Neftçi” Rusiya “Arsenal”ına Bakıda divan tutdu

Bu gün “Neftçi” Avropa liqasının 2-ci təsnifatının cavab oyununda evdə Rusiya “Arsenal”ını qəbul etdi. Allsport.az saytı xəbər verir ki, ilk hissədə qapılara qol vurulmasa da, 2-ci yarıda “ağ-qaralar” rəqibi yerini göstərdi.

49-cu dəqiqədə hücumçumuz Rauf Əliyev qapıçı ilə təkbətək mübarizədən qalib ayrıldı. Oyun nizamı itirməyən bayraqdar son dəqiqələrdə daha 2 dəfə fərqləndi.

Öncə Dario Federiko 11-metrlik cərimə zərbəsini dəqiq yerinə yetirdi (89). Son nöqtəni 90+3-də Mamadu Mbodj qoydu.