“Neftçi”yə qarşı oynamaq hər bir futbolçuya zövq verir”

“Sumqayıt”ın baş məşqçisi Vaqif Cavadov “Neftçi” ilə oyundan sonra mətbuat konfransında iştirak edib.
Allsport.az xəbər verir ki, o, doğma meydanda 2:0 hesabı ilə qələbə qazandıqları görüş haqda bunu deyib:

“Neftçi” hər zaman “Neftçi”dir. Bu rəqibə qarşı oynamaq hər bir futbolçuya zövq verir. Bu matç hər bir oyunçunun qiyməti, karyerası üçün önəmlidir. Futbolçular bunu dərk edirdilər. Onlara təşəkkür edirəm. 90 dəqiqə ərzində sübut etdik ki, rəqibdən heç də zəif deyilik. Futbolçularıma təşəkkür edirəm. Onlar üçün böyük addım olacaq. Bu qələbə bizi ancaq irəliyə doğru aparacaq. Hansısa eyforiyadan söz gedə bilməz. Hər oyuna maksimum hazırlaşacağıq”.