OCEP məktəbliləri ilə görüş

Allsport.az saytı xəbər verir ki, Milli olimpiya komitəsinin baş katibi Azər Əliyev Mariborda keçirilən XVII Avropa gənclər olimpiya festivalı zamanı OCEP məktəbliləri ilə görüşüb.

Toplantıda Avropa olimpiya komitəsinin nümayəndəsi Canluka de Angelis, MOK-un idman idarəsinin rəhbəri Həsənağa Rzayev, Maribor-2023 Azərbaycan nümayəndə heyətinin missiya rəhbəri Vaqif Əliyev, “Olimpiya mədəniyyəti və təhsil proqramı”nın rəhbəri Ceyhun Rəhmanov, MOK-un xarici əlaqələr idarəsinin məsləhətçisi Ruslan Məmmədov, Azərbaycan elm və təhsil nazirliyinin sektor müdiri Hilal Salmanov və OCEP məktəbliləri iştirak ediblər.