Olimpiadanın cədvəli bilindi

2028-ci ildə Los-Ancelesdə keçiriləcək yay olimpiya oyunlarının cədvəli açıqlanıb.

Allsport.az xəbər verir ki, idman tədbirləri iyulun 12-də futbol matçları da daxil olmaqla, birinci təsnifat mərhələləri ilə başlayacaq.

Açılış mərasimi iyulun 14-də olacaq. iyulun 15-də triatlon, qılıncoynatma, cüdo, atletika, reqbi yeddiliyi, atıcılıq və kanoe slalom kimi növlər üzrə ilk medal dəstləri təqdim olunacaq.

Boks yarışı 15 – 23 iyulda, finallar isə 27 – 30 iyulda keçiriləcək.

Cüdoda mübarizə iyulun 15-dən 22-dək baş tutacaq.

Yarışın final günü, iyulun 30-da yüngül atletika, boks, basketbol, trek velosipedi, üzgüçülük, güləş və voleybol üzrə həlledici yarışlar keçiriləcək. Həmin gün olimpiadanın bağlanış mərasimi də təşkil olunacaq.