Olimpiya idman növləri bir arada!

Noyabrın 17-də Şəkidə IV idman festivalına start verilib. Allsport.az saytı xəbər verir ki, olimpiya idman 24 federasiyanı təmsil edən 104 idmançı iştirak edir.

Tədbir çərçivəsində iştirakçılar üçün hərbi-vətənpərvərlik, ilk yardım və xilasetmə üzrə təlimlər, müxtəlif əyləncəli və intellektual oyunlar təşkil olunur. Eyni zamanda, 2025-ci ilin “Konstitusiya və Suverenlik İli” çərçivəsində Ana Yasa mövzusunda təlimlər də keçirilir.

Tədbirin məqsədi idman mühitinin gücləndirilməsi və gənc idmançılar arasında təcrübə mübadiləsinə şərait yaratmaqdır.

Noyabrın 21–22-də Qəbələ şəhərinin Heydər Əliyev parkında idman növləri üzrə nümunəvi çıxışlar və gənc istedadların iştirakı ilə konsert proqramı təşkil olunacaq. Festival noyabrın 22-də yekunlaşacaq.