Ölkə çempionu “kimyaçılar”ı baş arenada qəbul edəcək?

“Qarabağ” Premyer Liqasının 8-ci turunda “Sumqayıt”ı Tofiq Bəhramov adına Respublika stadionunda qəbul etməyi planlaşdırır. Allsport.az saytı xəbər verir ki, bu qarşılaşma oktyabrın 15-də baş tutacaq.

Ağdam klubu “kimyaçılar”la bu idman qurğusunda görüşməklə, həm də Avropa Liqasının qrup mərhələsində  Yunanıstan PAOK-u ilə matç (20 oktyabr) öncəsi yenilənmiş qazonu sınaqdan keçirmək, arenaya uyğunlaşmaq məqsədi güdür.

Qeyd edək ki, “Qarabağ”ın öz stadionunda təmir işləri aparıldığından “atlılar” rəqiblərini Masazırda “Əlincə Arena”da qəbul edir.