Ölkənin ən güclü qadın ağırlıqqaldıranları

25-26 yanvarda keçirilən ağırlıqqaldırma üzrə Azərbaycan çempionatının rəsmi açılış mərasimi baş tutub.

Allsport.az xəbər verir ki, tədbir Azərbaycan respublikasının Dövlət Himninin səsləndirilməsi ilə başlayıb. Daha sonra ölkəmizin suverenliyi uğrunda canından keçmiş qəhrəmanlarımızın əziz xatirəsi bir dəqiqəlik sükutla yad edilib. Açılış mərasimində çıxış edən AAF-ın vitse-prezidenti Firdovsi Umudov dövlət tərəfindən idmançılar üçün hər bir şəraitin yaradıldığını qeyd edərək, yarışda iştirak edən atletlərə uğurlar arzulayıb. Tədbir zamanı yaxın günlərdə 80 yaşını qeyd etmiş Əməkdar məşqçi Vaqif Hüseynova federasiya tərəfindən xatirə hədiyyələri təqdim edilib. Yubilyara can sağlığı, uzun ömür arzulanıb. Vaqif Hüseynov öz növbəsində veteranlara göstərilən diqqətə görə federasiya rəhbərliyinə minnətdarlığını ifadə edib.
Vaqif Hüseynov gənclər və idman idarəsi tərəfindən də mükafatlandırılıb. Hədiyyəni yubilyara beynəlxlaq dərəcəli hakim Azad Mustafayev təqdim edib.
İlk yarış gününün nəticələrinə gəlincə. Qadınların yarışında 45 kq çəki dərəcəsində Nuray Əbilova toplamda 111 kq (51 kq+60 kq) nəticə ilə çempion olub.

49 kq çəki dərəcəsində Nazilə Məmmədova toplamda 125 kq (55 kq+70 kq) nəticə ilə birinci olub.

55 kq çəki dərəcəsində Selcan Qarayeva toplamda 131 kq (58 kq+ 73 kq) nəticə ilə birinci olub.

59 kq çəki dərəcəsində Dinarə İbrahimli toplamda 131 kq (55 kq+ 76 kq) nəticə ilə birinci olub.

64 kq çəki dərəcəsində Lalə Əzizli toplamda 127 kq (59 kq+ 68) nəticə ilə çempion olub.

71 kq çəki dərəcəsində Aytən Əliyeva toplamda 153 kq (68 kq+ +85) nəticə ilə birinci olub.

76 kq çəki dərəcəsində Arzu Qədimova toplamda 130 kq (60 kq+ 70 kq) nəticə ilə birinci olub.

81 kq çəki dərəcəsində Rahilə Hüseynzadə toplamda 175 kq (75 kq + 90 kq) nəticə ilə birinci olub.

87 kq. çəki dərəcəsində Ələmgül Yusifzadə toplamda 85 kq (35 kq+ 50 kq) nəticə ilə birinci olub.

+87 kq. çəki dərəcəsində Mələk Hüseynli toplamda 117 kq (52 kq+ 65 kq) nəticə ilə nəticə ilə birinci olub.