Osimhen qələbəni şərh etdi

“Qalatasaray”ın hücumçusu Viktor Osimhen çempionlar liqasının ikinci turunda “Liverpul” üzərində 1:0 hesablı qələbəni şərh edib.

Allsport.az xəbər verir ki, nigeriyalı oyunçu çox güclü rəqibi məğlub etdiklərini bildirib: “Bütün gücümüzlə qalib gəldik. Matçın futbolçusu seçildiyim üçün çox xoşbəxtəm, lakin bu, baş məşqçimiz Okan Buruk da daxil olmaqla bütün komandanın uğurudur”.

“Qalatasaray” 3 xalla liqada 18-ci yerdədir. “Liverpul” 3 xalla 16-cı yerdədir.

Üçüncü turda “Qalatasaray” “Budo/Qlimt”lə, “Liverpul” isə “Ayntraxt Frankfurt”la qarşılaşacaq. Hər iki görüş oktyabrın 22-də keçiriləcək.