Ötən mövsümün ən yaxşısını qovdular

“Maynts” klubu baş məşqçisi Bo Enriksenin istefaya göndərildiyini elan edib.

Allsport.az xəbər verir ki, 50 yaşlı danimarkalı mütəxəssis ötən mövsüm “Maynts”ı altıncı yerə gətirərək bundesliqada ilin məşqçisi seçilmişdi. Lakin o, yeni mövsümdə komandanın uğursuzluğuna görə vəzifəsindən ayrılmalı olub.

Klub çempionatın start 12 turunda cəmi 1 qələbə qazanaraq Almaniya çempionatının turnir cədvəlində sonuncu yeri tutur.