“Oyun böyük ölçüdə bərabər keçdi”

“Atletik Bilbao”nun baş məşqçisi Ernesto Valverde çempionlar liqasının ilk turunda “Arsenal”a 0:2 hesablı məğlubiyyəti şərh edib.

Allsport.az xəbər verir ki, ispaniyalı mütəxəssis məğlubiyyətə görə təəssüf etdiyini deyib:

“Komanda olaraq meydanda özümüzü göstərə bildik. Amma heyif ki, azarkeşləri qələbə ilə sevindirə bilmədik. Baxmayaraq ki, oyun böyük ölçüdə bərabər keçdi”.

Çempionlar liqasının növbəti turunda “Arsenal” “Olimpiakos”, “Atletik Bilbao” isə Dortmund “Borussiya”sı ilə qarşılaşacaq.