Patrik Hikki: 2 il ərzində əldə olunmuş nailiyyətlər hər şeyi təsdiqləyir

Bu gün Avropa Olimpiya Komitəsinin Bakı- 2015 ilə başlı Koordinasiya Komissiyasının sonuncu, 5-ci toplantısı olub. Allsport.az saytı xəbər verir ki, ilk qitə oyunları ilə bağlı irəliləyişləri müşahidə etmək üçün paytaxtımıza səfər edən AOK prezidenti Patrik Hikki gördüklərindən yenə məmnun qaldığını deyib:

“Avropa Olimpiya Komitələrinin ilk Avropa Oyunları ilə bağlı Bakıya bu səfəri bir daha sübut etdi ki, şəhər unudulmaz tədbirə ev sahibliyi etməyə tam hazırdır. İki il ərzində əldə edilmiş bu qədər nailiyyətlər Azərbaycanın Oyunları həyata keçirmək üçün göstərdiyi səyləri təsdiqləyir.

Avropanın idmançıları və idman azarkeşləri onları gözləyən yüksək səviyyəli idman obyektləri və məkanlardan məmnun qalacaqlar. Bakı-2015, Avropa Oyunları üçün möhtəşəm başlanğıc platforması olacaq”.