Paytaxt birinciliyində 70-ə yaxın ağırlıqqaldıran iştirak edəcək

Dekabrın 21-də Şüvəlan qəsəbəsində milli qəhrəman Fəxrəddin Şahbazovun xatirəsinə ağırlıqqaldırma üzrə XIX açıq Bakı turniri keçiriləcək.

Allsport.az xəbər verir ki, yarışda Bakı, Sumqayıt, Qobustan, Gəncə, Neftçala, Şamaxı, Cəlilabad, Lənkəran və İsmayıllıdan 70-ə yaxın atlet iştirak edəcək.

Turnirdə 17 yaşadək olan idmançılar 10 çəki dərəcəsində öz qüvvələrini sınayacaqlar.